మహబూబ్‌నగర్‌లోమంత్రులు నిరంజన్రెడ్డి, శ్రీనివాస్ గౌడ్ రైతులకు పచ్చిరొట్ట ఎరువుల విత్తనాలు పంపిణీ చేశారు. వ్యవసాయశాఖ, రాష్ట్ర విత్తనాభివృద్ధి సంస్థ ఆధ్వర్యంలో ఈ కార్యక్రమం నిర్వహించారు. పాలమూరు-రంగారెడ్డి పథకం త్వరగా పూర్తి చేసేందుకు చర్యలు తీసుకుంటున్నామని వ్యవసాయ శాఖ మంత్రి నిరంజన్రెడ్డి తెలిపారు. పనుల వేగవంతానికి త్వరలో ఇంజినీరింగ్, వ్యవసాయ అధికారులతో సమావేశమవుతామన్నారు.
త్వరలో సమగ్ర వ్యవసాయ విధానాన్ని సీఎం ఆవిష్కరిస్తారు. ఏ పొలంలో ఏ పంట వేస్తే రైతులకు లాభం అనేదానిపై కసరత్తు జరుగుతుంది. రైతుబంధు నిరంతరం కొనసాగుతుంది. అపోహలు వద్దు. వచ్చే ఏడాది రైతులందరికీ పచ్చిరొట్ట ఎరువుల విత్తనాల పంపిణీకి కృషి చేస్తున్నాం. పాలమూరు-రంగారెడ్డి పథకానికి నష్టం జరగనివ్వబోము. రాష్ట్రంలో వ్యవసాయరంగం అద్భుతంగా విస్తరిస్తోంది. సొసైటీలు, బ్యాంకులకు చేతినిండా పని ఉంటుంది. రైతు ఉత్పత్తులు పెరుగుతున్నాయి - సింగిరెడ్డి నిరంజన్రెడ్డి, వ్యవసాయ శాఖ మంత్రి
పాలమూరు-రంగారెడ్డి ఎత్తిపోతల పథకానికి జాతీయ హోదా కల్పించాలని మంత్రి శ్రీనివాస్‌గౌడ్‌ డిమాండ్ చేశారు. ఈ విషయంలో రాజకీయాలకతీతంగా పార్టీలు కలిసి రావాలిని కోరారు.
ఇవీ చూడండి: అశ్వారావుపేట చెక్‌పోస్టు వద్ద భారీగా నిలిచిన వాహనాలు
