మహబూబ్ నగర్ జిల్లా దేవరకద్ర పీహెచ్సీని కలెక్టర్ వెంకట్రావు సందర్శించారు. స్థానిక ఎమ్మెల్యే ఆల వెంకటేశ్వర్ రెడ్డితో కలిసి.. ఆసుపత్రిలో నూతనంగా ఏర్పాటు చేయనున్న ఇన్సెంటివ్ కేర్ సెంటర్కు అవసరమైన సౌకర్యాలపై వైద్యులతో చర్చించారు. నియోజకవర్గంలోని 5 పీహెచ్సీలకు ఆక్సిజన్ కాన్సన్ట్రేటర్లను అందజేసిన స్థానిక స్నేహ ఫౌండేషన్ నిర్వాహకులను ఆయన ప్రత్యేకంగా అభినందించారు.
జిల్లాలో లాక్డౌన్ను కఠినంగా అమలు చేయడంతో 34 శాతం ఉన్న పాజిటివ్ కేసుల సంఖ్య.. 7 శాతానికి పడిపోయినట్లు కలెక్టర్ తెలిపారు. కరోనా కట్టడిలో ప్రజలు బాధ్యతాయుతంగా నడుచుకోవాలని కోరారు. ఈ కార్యక్రమంలో డీఎంహెచ్ఓ డా. కృష్ణ, ఇతర వైద్యాధికారులు, ప్రజా ప్రతినిధులు, తదితరులు పాల్గొన్నారు.
ఇదీ చదవండి: KTR Respond: యువకుడి ట్వీట్‌కు మంత్రి కేటీఆర్ స్పందన
