సహకార ఎన్నికల్లో బారులు తీరిన ఓటర్లు

మహబూబాబాద్​ జిల్లా వ్యాప్తంగా సహకార ఎన్నికలు ప్రశాంతంగా కొనసాగుతున్నాయి. తమ ఓటు హక్కును వినియోగించుకునేందుకు ఓటర్లు పోలింగ్​ కేంద్రాల వద్ద బారులు తీరారు.

మహబూబాబాద్ జిల్లా తొర్రూరు డివిజన్ కేంద్రంలోని ప్రభుత్వ పాఠశాలలో సహకార ఎన్నికలు ప్రశాంతంగా సాగుతున్నాయి. ఉదయం 7 గంటలకే పోలింగ్​ ప్రారంభం కావడం వల్ల వివిధ గ్రామాల నుంచి ఓటర్లు పోలింగ్ కేంద్రాలకు తరలివస్తున్నారు.

జిల్లా వ్యాప్తంగా మొత్తం 13 సహకార సంఘాలకు గానూ.. 7 ఏకగ్రీవం అయ్యాయి. మిగిలిన 6 సహకార సంఘాలకు పోలింగ్​ జరుగుతుంది. ఎన్నికల్లో 3 వేల 926 మంది ఓటర్లు తమ ఓటు హక్కును వినియోగించుకుంటున్నారు.

ఇదీ చూడండి: భవననిర్మాణాలకు 21 రోజుల్లో అనుమతివ్వాలి: కేటీఆర్