పాఠశాల బస్సు బోల్తా... నలుగురికి తీవ్ర గాయాలు

మహబూబాబాద్ జిల్లా కంబాలపల్లి శివారులో ఓ ప్రైవేట్ పాఠశాల బస్సు అదుపు తప్పి బొలేరో వాహనాన్ని ఢీకొట్టింది. విద్యార్థులకు ప్రమాదం తప్పి స్వల్ప గాయాలతో బయటపడగా నలుగురు వ్యక్తులు తీవ్రంగా గాయపడ్డారు.

మహార్షి పాఠశాలకు చెందిన బస్సు సుమారు 35 మంది విద్యార్థులతో మహబూబాబాద్ నుంచి కంబాలపల్లి వైపుకు వెళ్తుండగా, గేదెలను తప్పించబోయి బోలెరో వాహనంను ఢీకొట్టింది. క్యాబిన్​లో ఇరుక్కున్న బస్ డ్రైవర్​ను స్థానికులు బయటకు తీశారు. తీవ్రంగా గాయపడ్డ నలుగురు క్షతగాత్రులను మహబూబాబాద్ ప్రభుత్వ ఆస్పత్రికి తరలించారు.

స్వల్పంగా గాయపడిన 10 మంది విద్యార్థులను ఓ ప్రైవేట్ ఆస్పత్రికి తరలించారు. విషయం తెలుసుకున్న పోలీసులు ఘటనా స్థలానికి చేరుకొని దర్యాప్తు చేపట్టారు.

ఇవీ చూడండి: ఎద్దును తప్పించబోయి ప్రమాదం.. 12 మంది దుర్మరణం