ఈవీఎంలు మొరాయించినా... ప్రశాంతంగా పోలింగ్

ఓట్ల పండుగకు తెరపడింది. మహబూబాబాద్​లో ఓటర్లు ఓటు వేసేందుకు ఆసక్తి చూపారు. కొన్ని చోట్ల ఈవీఎంలలో ఇబ్బందులు ఏర్పడినా.. మొత్తానికి 59.90శాతం పోలింగ్ నమోదైంది.

మహబూబాబాద్​లో ఎన్నికల ప్రక్రియ ప్రశాంతంగా ముగిసింది. ఉదయం నుంచే... ఓటర్లు ఓటువేసేందుకు ఆసక్తి చూపారు. గ్రామీణ ప్రాంతాల్లోని ఓటర్లలందరూ.. మండుటెండల్లో సైతం ఓటువేసేందుకు వెనకాడలేదు. సమస్యాత్మక ప్రాంతాలైన భద్రాచలం, ములుగు, ఇల్లందు, పినపాకలో పటిష్ఠ బందోబస్తుతో పోలింగ్ నిర్వహించారు. సాయంత్రం 4 గంటలకే పోలింగ్ ముగిసింది. కొన్నిచోట్ల ఈవీఎంలు మొరాయించాయి. వాటిని సరిచేసి ఇబ్బందులు తొలగించి... పోలింగ్​ను కొనసాగించారు.