ముస్లింలకు సరుకులు పంచిన ఎంపీ మాలోత్​ కవిత

లాక్​డౌన్​ కారణంగా రంజాన్​ సమయంలో ముస్లింలు ఇబ్బంది పడకూడదన్నారు ఎంపీ మాలోత్​ కవిత. మహబూబాబాద్​లోని తన స్వగృహంలో ఆమె పేద ముస్లింలకు నిత్యవసరాలు పంచారు.

మహబూబాబాద్​ జిల్లా కేంద్రంలోని తన స్వగృహంలో ఎంపీ మాలోత్​ కవిత వందమంది పేద ముస్లిం మహిళలకు బియ్యం, నిత్యావసర సరుకులు, కూరగాయలు పంచారు. లాక్​డౌన్​ సమయంలో రంజాన్​ మాసం పాటిస్తున్న ముస్లింలు ఇబ్బంది పడకుంటా నిత్యావసరాలు పంచుతున్నట్టు తెలిపారు. ఇలాంటి పరిస్థితుల్లో పండుగలు రావడం పేదవాళ్లకు ఇబ్బందే అన్నారు. ముస్లింలకు పవిత్రమైన రంజాన్​ మాసం ముగిసేవరకు అల్లా దయతో కరోనా పూర్తిగా తగ్గిపోవాలని ఆమె కోరుకున్నారు. ఎంపీతో పాటు జిల్లా కో ఆప్షన్​ సభ్యుడు పాషా, తెరాస నాయకులు ఈ పంపిణీలో పాల్గొన్నారు.

ఇవీ చూడండి: చెట్ల వేర్లు, కొమ్మలతో కళాఖండాల సృష్టి