నకిలీ విత్తనాలు విక్రయించిన దుకాణం ముందు రైతుల ఆందోళన

నకిలీ విత్తనాలతో నష్టపోయిన పంటకు పరిహారం చెల్లించాలని విత్తనాల దుకాణం ముందు బైఠాయించి రైతులు ఆందోళన చేశారు. ఈ సంఘటన మహబూబాబాద్ జిల్లా దంతాలపల్లిలో చోటుచేసుకుంది.

విత్తనాల దుకాణంలో ఓ కంపెనీకి చెందిన మిరప విత్తనాలను రైతులు కొనుగోలు చేశారు. తీరా పంట చేతికొచ్చాక కాయలు ముడత పడ్డాయి. పంట సాగు చేసిన రైతులు నష్టపోయమని తెలుసుకుని ఆందోళన చేపట్టారు.

ఎవరూ ఆ పంటను కొనుగోలు చేయడం లేదని రైతులు విత్తనాల దుకాణం ముందు బైఠాయించి నిరసన చేపట్టారు. నకిలీ విత్తనాల కారణంగా అన్యాయం జరిగిందని తమకు న్యాయం చేయాలని రైతులు డిమాండ్ చేశారు.

ఇదీ చూడండి : 'వారి బంధాన్ని చావు కూడా విడదీయలేకపోయింది'