కరోనా కారణంగా మారిన బతుకు ‘చిత్రం’

కరోనా వైరస్​ కారణంగా అనేక మంది జీవితాలు మారిపోతున్నాయి. దేశవ్యాప్తంగా కొనసాగుతోన్న లాక్​డౌన్​ నేపథ్యంలో పలు వ్యాపారాలు పూర్తిగా రద్దయ్యాయి. వారి కుటుంబాలు ఉపాధిని కొల్పోయి కూలీలుగా, ఇతర పనులను చేసుకుంటూ జీవనం సాగిస్తున్నారు.

కరోనా మహమ్మారి చిరువ్యాపారుల బతుకు చిత్రాన్నే మార్చివేసిందనడానికి ఇదో ఉదాహరణ. ఈ చిత్రంలో కన్పిస్తున్న వ్యక్తి పేరు గోపి. వృత్తిరీత్యా ఫొటోగ్రాఫర్‌.

మహబూబాబాద్‌ జిల్లా కొత్తపేటలో నిర్వహిస్తున్న ఫొటోస్టూడియో లాక్‌డౌన్‌తో మూతపడటం వల్ల ఉపాధి కరవైంది. కుటుంబపోషణకు తన ఫొటోస్టూడియో ఎదురుగా కూరగాయల వ్యాపారాన్ని చేపట్టారు.

ఇదీ చూడండి : పేదలకు నిత్యావసరాలు పంపిణీ చేసిన మంత్రి పువ్వాడ