రాష్ట్రంలో రాత్రి నుంచి అమలయ్యే కర్ఫ్యూను మహబూబాబాద్ జిల్లా కేంద్రంలోని ప్రజలందరూ పాటించాలని సీఐ వెంకటరత్నం కోరారు. కరోనా మహమ్మారి రోజు రోజుకూ విజృంభిస్తుండటంతో రాత్రి కర్ఫ్యూను విధిస్తున్నట్లు ప్రభుత్వం జీవో విడుదల చేసిందని తెలిపారు. రాత్రి 9 గంటల నుంచి ఉదయం 5 గంటల వరకు కర్ఫ్యూ అమల్లో ఉంటుందని అవగాహన కల్పించారు. ఏప్రిల్‌ 30 వరకు కొనసాగుతుందని స్పష్టం చేశారు.
పట్టణ పరిధిలోని ప్రజలు, వ్యాపారులు సహకరించాలని కోరారు. నిబంధనలు ఉల్లఘించిన వారిపై చట్టరీత్యా చర్యలు తీసుకుంటామని హెచ్చరించారు. రాత్రి 8 గంటలల్లోపు వ్యాపార సముదాయాలను మూసివేయాలని ఆదేశించారు. అత్యవసర పనులకు మినహాయింపు ఉంటుందని తెలిపారు. అందరూ కరోనా నిబంధనలు పాటించాలని సూచించారు.
ఇదీ చదవండి: ఏపీలో కరోనా కల్లోలం.. గణనీయంగా పెరిగిన పాజిటివ్ కేసులు
