ఛలో కలెక్టరేట్ కార్యక్రమంలో స్వల్ప ఉద్రిక్తత

ఆర్టీసీ కార్మికుల సమ్మెకు మద్దతుగా సీపీఐ రాష్ట్ర సహాయ కార్యదర్శి కూనంనేని సాంబశివరావు చేపట్టిన ఆమరణ నిరాహార దీక్షను పోలీసులు భగ్నం చేయడాన్ని సీపీఐ నాయకులు ఖండించారు.

మహబూబాబాద్​లో సీపీఐ ఆధ్వర్యంలో నిర్వహించిన ఛలో కలెక్టరేట్ కార్యక్రమం స్వల్ప ఉద్రిక్తతలకు దారి తీసింది. ర్యాలీని పోలీసులు మధ్యలోనే అడ్డుకున్నారు. దీంతో తోపులాట చోటుచేసుకుంది. 30 మంది ఆందోళనకారులను అరెస్ట్ చేసి టౌన్ పోలీస్ స్టేషన్​కు తరలించారు. రాష్ట్రంలో అరాచక పాలన కొనసాగుతోందని సీపీఐ జిల్లా కార్యదర్శి విజయ్ సారధి ఆరోపించారు. ఇప్పటికైనా ఆర్టీసీ కార్మికుల సమస్యలను పరిష్కరించాలని... లేదంటే ఉద్యమాన్ని ఉద్ధృతం చేస్తామని హెచ్చరించారు.

ఇవీ చూడండి: హుస్నాబాద్​లో పట్టపగలే ఇల్లు గుల్ల