'మిషన్' మింగేసింది... గుంతలో పడి యువకుడు మృతి

మిషన్ భగీరథ గేట్​వాల్ గుంతలో పడి ఓ యువకుడు మరణించాడు. మహబూబాబాద్​ జిల్లా నెల్లికుదురు మండలం బంజరలో ఈ ఘటన చోటుచేసుకుంది.

మహబూబాబాద్​ జిల్లా నెల్లికుదురు మండలం బంజరలో విషాదం జరిగింది. మిషన్ భగీరథ గేట్​వాల్ గుంతలో పడి షేక్​ ముస్తపా అనే యువకుడు మరణించాడు. వాటర్ ట్యాంక్ పక్కనే గేట్ వాల్ కోసం తీసిన గొయ్యి పైకప్పు వేయకపోవడం వల్ల ప్రమాదవశాత్తు ముస్తఫా అందులో పడిపోయాడు. తలభాగంలో తీవ్ర గాయమై అక్కడికక్కడే మృతిచెందాడు. గేట్ వాల్​పై కప్పు వేయకపోవడం వల్లే ముస్తాపై చనిపోయాడంటూ కుటుంబ సభ్యులు ఆరోపిస్తున్నారు. దీనికి కారణమైన కాంట్రాక్టర్​పై చర్యలు తీసుకుని... మృతుడి కుటుంబానికి న్యాయం చేయాలని డిమాండ్​ చేశారు. పోలీసులు ఘటనా స్థలికి చేరుకుని దర్యాప్తు చేపట్టారు.

ఇదీ చూడండి: ఔషధ ఏజెన్సీ సీజ్​... రోగ నిర్ధరణ పరికరాలు స్వాధీనం