గడ్డివాములు దగ్ధం... రూ. 6లక్షలు నష్టం

లక్షల రూపాయలు ఖర్చుచేసి కొనుగోలు చేసిన పశువుల మేత అగ్నికి ఆహుతి అయింది. మహబూబాబాద్ జిల్లాలో వేరు వేరు గ్రామాల్లో సుమారు 6 లక్షల రూపాయల విలువైన 8 గడ్డివాములకు నిప్పంటుకుంది. తమ పశువులకు మేత ఎలా సమకూర్చుకోవాలో అంటూ బాధిత రైతులు కన్నీరుమున్నీరుగా విలపించారు.

మహబూబాబాద్ జిల్లా రెడ్యాల గ్రామంలో ప్రమాదవశాత్తుగా 4 గడ్డి వాములు దగ్ధమై సుమారు 2 లక్షల ఆస్తి నష్టం సంభవించింది. మరోచోట నెల్లికుదురు మండలం లక్ష్మీపురం గ్రామ శివారు కొత్త తండాలో విద్యుత్ షార్ట్ సర్కుట్​తో అగ్ని ప్రమాదం సంభవించింది. ఈ ఘటనలో 2 గుడిసెలు, 4 గడ్డివాములు, 1 ఎడ్లబండి దగ్ధమై 4 లక్షల ఆస్తి నష్టం సంభవించింది. తండాకు చెందిన లూనవత్ సీతారాములు, లూనవత్ సురేశ్​లకు చెందిన ఇళ్ళలోని వస్తువులు అన్ని కాలిపోయాయి. బాధితుల రోదన స్థానికులను కలిచివేసింది. అగ్నిమాపక సిబ్బంది ఘటనా స్థలానికి చేరుకొని మంటలను అదుపులోకి తీసుకొచ్చారు.

ఇవీ చూడండి: అనంతపద్మనాభ స్వామిని దర్శించుకున్న కేసీఆర్