'హుజూర్​నగర్ బరిలో మేం కూడా..'

హుజూర్​నగర్ ఉపఎన్నికలో సీపీఎం తరఫున అభ్యర్థిని నిలబెడుతున్నట్లు ఆ పార్టీ రాష్ట్ర కార్యదర్శి తమ్మినేని వీరభద్రం స్పష్టం చేశారు. తెరాస, భాజపా, కాంగ్రెస్​లకు మద్దతిచ్చేది లేదని పేర్కొన్నారు.

కేంద్రంలో భాజపా, రాష్ట్రంలో తెరాస పాలనకు వ్యతిరేకంగా పోరాటం చేస్తామని స్పష్టం చేశారు సీపీఎం రాష్ట్ర కార్యదర్శి తమ్మినేని వీరభద్రం. సూర్యాపేట జిల్లా హుజూర్​నగర్​లో సీపీఎం ముఖ్య కార్యకర్తల సమావేశానికి ఆయన హాజరయ్యారు. హుజూర్​నగర్ ఉపఎన్నికలో సీపీఎం తరఫున అభ్యర్థిని నిలబెడుతున్నట్లు తెలిపారు. ఈ నెల 30న నామినేషన్ వేస్తారన్నారు. సీపీఐ, జనసమితి, తెదేపా నాయకులతో చర్చలు జరుపుతున్నామని వివరించారు. కాంగ్రెస్​కు మద్దతిచ్చేది లేదన్నారు. ప్రధాని మోదీ మతోన్మాదాన్ని పోషిస్తున్నాడని విమర్శించారు. అసెంబ్లీలో ప్రశ్నించే గొంతుక లేదని దుయ్యబట్టారు.

ఇదీ చూడండి: పిల్ల తిమింగలం వలలో పడితే తల్లి ఏం చేసిందో చూడండి..