ఆస్తుల వివరాలను ధరణిలో నమోదు చేయించిన ఎమ్మెల్యే కోనప్ప

సిర్పూర్ ఎమ్మెల్యే కోనేరు కోనప్ప తమ ఆస్తులను ధరణి పోర్టల్​లో నమోదు చేయించారు. ఆయనతో పాటు కుటుంబ సభ్యుల ఆస్తుల వివరాలనూ అధికారులకు తెలియజేశారు. ప్రతి ఒక్కరూ తమ ఆస్తులను నమోదు చేసుకోవాలని సూచించారు.

ధరణి పోర్టల్​లో ప్రతి ఒక్కరూ తమ ఆస్తులను నమోదు చేసుకోవాలని సిర్పూర్​ ఎమ్మెల్యే కోనేరు కోనప్ప పేర్కొన్నారు. నూతన రెవెన్యూ చట్టంలో భాగంగా భూ వివాదాలను శాశ్వతంగా పరిష్కరించడానికే ముఖ్యమంత్రి కేసీఆర్​ ఆస్తుల నమోదు ప్రక్రియ చేపట్టారని తెలిపారు. కుమురం భీం ఆసిఫాబాద్​ జిల్లా కాగజ్​నగర్​ పట్టణం గుంటూరు కాలనీలోని తన నివాసంలో ఎమ్మెల్యే తన ఆస్తులను ధరణి పోర్టల్​లో నమోదు చేయించారు. తనతో పాటు ఆయన కుటుంబ సభ్యుల వివరాలనూ అధికారులకు తెలిపారు.

ఈ సందర్భంగా ధరణి సర్వేలో ప్రజలందరూ అధికారులకు సహకరించారని ఎమ్మెల్యే కోరారు. సర్వేపై వదంతులు నమ్మొద్దని సూచించారు.

ఇవీ చూడండి: అధైర్య పడొద్దు.. ప్రభుత్వం ఆదుకుంటుంది: మంత్రి కేటీఆర్​