కుమురం భీం ఆసిఫాబాద్ జిల్లా కాగజ్ నగర్ పురపాలికలో కో-ఆప్షన్ సభ్యుల ఎన్నిక ప్రశాంతంగా ముగిసింది. 30 వార్డులు ఉన్న కాగజ్ నగర్ పురపాలికలో నాలుగు స్థానాలను తెరాస కైవసం చేసుకుంది. ఈ కార్యక్రమానికి ఎక్స్ అఫిషియో సభ్యుని హోదాలో సిర్పూర్ ఎమ్మెల్యే కోనేరు కోనప్ప హాజరయ్యారు. గెలుపొందిన అభ్యర్థులకు అభినందనలు తెలిపి శాలువతో సన్మానించారు.
పురపాలక ఛైర్మన్ సద్దాం హుస్సేన్ అధ్యక్షతన జరిగిన కో-ఆప్షన్ ఎన్నికలో... ప్రత్యేక పరిజ్ఞానం, అనుభవం కోటా నుంచి గిరుగుల లక్ష్మీ, అబ్దుల్ సుబాన్లను, మైనారిటీ కోటా నుంచి దేవయ్య, సెవంత బాయిలను 21 మంది తెరాస కౌన్సిలర్లు ప్రతిపాదించి పూర్తి మద్దతుతో ఎన్నుకున్నారు. ఎన్నికైన అభ్యర్థులకు ఎమ్మెల్యే కోనేరు కొనప్ప అభినందనలు తెలిపారు. కో-ఆప్షన్ స్థానాలు తెరాస కైవసం చేసుకోవడం వల్ల తెరాస శ్రేణులు సంబరాలు జరుపుకున్నాయి. తెలంగాణ తల్లి విగ్రహానికి పూలమాలలు వేసి జై తెలంగాణ నినాదాలు చేశారు. టపాసులు పేల్చి మిఠాయిలు పంచారు.
ఇవీ చూడండి: రాఖీ స్పెషల్... వీరి అనుబంధం.. దేశానికే రక్ష కావాలి..
