ఉమ్మడి ఖమ్మం జిల్లాలో ఆర్టీసీ కార్మికుల సమ్మె కొనసాగుతోంది. రాష్ట్ర ఐకాస పిలుపు మేరకు ఖమ్మం, భద్రాద్రి కొత్తగూడెం జిల్లాల్లోని ఆరు డిపోలు, బస్టాండ్ల ఎదుట మహిళా కండక్టర్లు దీక్షలు చేపట్టారు. ఖమ్మం బస్ డిపో ఎదుట ఉదయం నుంచే మహిళా కండక్టర్లు దీక్షలో పాల్గొన్నారు. వీరికి పలు మహిళా సంఘాలు సంఘీభావం ప్రకటించాయి. వారు దీక్షలో కూర్చుండగా... బస్టాండ్ నుంచి వెళ్తున్న ఓ బస్సు తాత్కాలిక డ్రైవర్ తప్పిదంతో టెంటు కర్రను ఢీకొట్టింది. దీనితో ఆ టెంటు కూలిపోయి.. ఓ మహిళా కండక్టర్ మీద పడింది. ఈ ఘటనలో ఆమెకు స్వల్ప గాయాలయ్యాయి. మహిళా కండక్టర్లు డిపో ఎదుట భైఠాయించి ఆందోళన చేపట్టారు. పోలీసులు జోక్యం చేసుకుని గాయపడ్డ మహిళా కండక్టర్ను ఆసుపత్రికి తరలించారు.
తాత్కాలిక డ్రైవర్ తప్పిదం... గాయపడిన మహిళా కండక్టర్
ఇదీ చూడండి: హరియాణా 'కింగ్మేకర్' దుష్యంత్ ఎవరో తెలుసా?
