టిప్పర్​ లారీ ఢీకొట్టింది.. ధర్నా చేసిన బంధువులు

బైక్​పై వెళ్తున్న యువకుడిని టిప్పర్​ లారీ వెనుకనుంచి వచ్చి ఢీకొట్టింది. యువకుడు అక్కడికక్కడే మృతి చెందాడు. సమాచారం తెలిసిన కుటుంబ సభ్యులు, బంధువులు మృతదేహంతో రహదారిపై ధర్నా నిర్వహించారు. ఈ సంఘటన ఖమ్మం జిల్లాలో జరిగింది.

ఖమ్మం జిల్లా బుధవారం రాత్రి టేకులపల్లి మండలంలో బొగ్గు టిప్పర్ ఢీకొని గోగెల రవి(26)మృతి చెందాడు. దాసుతండా సమీపంలో బుధవారం రాత్రి కోయగూడెం ఉపరితల గని వైపు వెళ్తున్న బొగ్గు టిప్పర్ బైక్​పై వెళ్తున్న వ్యక్తిని వెనుకనుంచి ఢీకొట్టింది. స్థానికులు గ్రామానికి చెందిన రవిగా గుర్తించి వారి కుటుంబ సభ్యులకు తెలిపారు.

కుటుంబ సభ్యులు తమకు న్యాయం చేయాలంటూ మృతదేహంతో టేకులపల్లి రహదారిపై ధర్నా చేశారు. ఆందోళన తీవ్రంగా మారడం వల్ల పోలీసులు వారికి నచ్చ జెప్పి పంపించారు.

ఇదీ చూడండి : తెలంగాణ పెళ్లిలో విదేశీయుల తీన్​మార్