ఒకప్పుడు ఆడపిల్ల పుట్టిందంటే చిన్నచూపు ఉండేది. ఇప్పుడు ఆ పరిస్థితి మారింది. చాలా మంది తమకు ఆడపిల్లే కావాలనుకుంటున్నారు. కానీ ఎక్కడోచోట ఇంకా భ్రూణ హత్యలు జరుగుతూనే ఉన్నాయి. ఈ పరిస్థితి మారాలని ఓ యోచన చేశారు ఖమ్మం జిల్లా శివాయిగూడెం సర్పంచ్ ప్రదీప్కుమార్. మహిళా దినోత్సవం సందర్భంగా ఓ ప్రత్యేక పథకాన్ని ప్రకటించారు.
తాను పదవిలో ఉన్నంతకాలం గ్రామానికి చెందిన మహిళలకు పుట్టే ఆడపిల్లకు సొంత డబ్బుతో పోస్టాఫీసులో రూ.5వేలు ఫిక్స్‌డ్‌ డిపాజిట్ చేస్తానని హామీ ఇచ్చారు. అనంతరం పంచాయతీ కార్యాలయంలో ఓ గర్భిణితో కేక్‌ కట్‌ చేయించారు. కార్యక్రమంలో ఉపసర్పంచ్ తేజావత్‌ శారద, గ్రామదీపిక స్వాతి పాల్గొన్నారు.
