వ్యవసాయ చట్టాలను రద్దు చేయాలి : వామపక్ష సంఘాలు

రైతు వ్యతిరేక చట్టాలను రద్దు చేయాలంటూ ఖమ్మంలోని ధర్నాచౌక్​లో వామపక్ష నేతలు ఆందోళన నిర్వహించారు. అన్ని రైతు సంఘాల ప్రతినిధులు దీక్షలో పాల్గొని కేంద్రానికి వ్యతిరేకంగా నినాదాలు చేశారు.

దిల్లీలో కర్షకులు 22 రోజులుగా గడ్డకట్టే చలిలో ఆందోళనలు చేస్తున్నా ప్రధాని మోదీ పట్టించుకోవడం లేదని వామపక్షనేతలు విమర్శించారు. రైతులకు మద్దతుగా ఖమ్మంలోని ధర్నాచౌక్​లో దీక్ష చేపట్టారు.

కార్పొరేట్లకు కొమ్ముకాసే నూతన వ్యవసాయ చట్టాలను రద్దు చేయాలని డిమాండ్ చేశారు. జిల్లాలో నాలుగు రోజులుగా దీక్షలు చేపడుతున్నామని రైతు సంఘాల నాయకులు పేర్కొన్నారు. కేంద్రప్రభుత్వం చట్టాలను ఉహసంహరించుకునే వరకు పోరాట ఆగదని స్పష్టం చేశారు.

ఇదీ చూడండి:వ్యాక్సిన్ వస్తోంది కదా అని నిర్లక్ష్యం తగదు: లలితాదేవి