భక్తరామదాసు సేవలో పొంగులేటి

భక్త రామదాసు జయంత్యుత్సవాల్లో ఎంపీ పొంగులేటి శ్రీనివాస రెడ్డి పాల్గొన్నారు. విగ్రహానికి పాలాభిషేకం చేశారు.

ఖమ్మం జిల్లా నేలకొండపల్లిలో భక్త రామదాసు జయంత్యుత్సవాలు మూడోరోజు ఘనంగా నిర్వహిస్తున్నారు. ఈ ఉత్సవాలకు ఖమ్మం ఎంపీ పొంగులేటి శ్రీనివాస్ రెడ్డి హాజరయ్యారు. భద్రాచలంలో రామయ్యకు గుడి కట్టిన భక్త రామదాసు విగ్రహానికి పాలాభిషేకం చేశారు. గురుకుల పాఠశాల విద్యార్థులతో ఏర్పాటు చేసిన నగర కీర్తనలను పొంగులేటి శ్రీనివాస్ రెడ్డి ప్రారంభించారు. అనంతరం అనాసాగరం, సదాశివపురం, బుద్ధారం, అప్పల నరసింహాపురంలో ఎంపీ నిధులతో సీసీ రోడ్ల నిర్మాణానికి శంకుస్థాపన చేశారు.