ఖమ్మం రైల్వేస్టేషన్​లో 38 కిలోల గంజాయి పట్టివేత

ఖమ్మం రైల్వేస్టేషన్​లో ఒడిశా నుంచి మధ్యప్రదేశ్​కు అక్రమంగా తరలించేందుకు సిద్ధంగా ఉన్న 38 కిలోల గంజాయిని జీఆర్పీ పోలీసులు పట్టుకున్నారు.

ఖమ్మం రైల్వేస్టేషన్​లో అక్రమంగా తరలించేందుకు సిద్ధంగా ఉన్న గంజాయిని జీఆర్పీ పోలీసులు పట్టుకున్నారు. స్టేషన్​లో అనుమానాస్పదంగా తిరుగుతున్న ఇద్దరి బాలురను ప్రశ్నించగా పొంతనలేని సమాధానమిచ్చారని పోలీసులు తెలిపారు.

వారి సంచులను తనిఖీ చేయగా రూ. మూడున్నర లక్షల విలువైన 38 కిలోల గంజాయి బయటపడ్డాయన్నారు. ఒడిశా నుంచి మధ్యప్రదేశ్​కు తరలిస్తున్నట్లు నిందితులు చెప్పారని జీఆర్పీ సీఐ చంద్రభాను వెల్లడించారు. వారిని జువైనల్ కోర్టుకు తరలిస్తామని భాను తెలిపారు.

ఇవీ చూడండి: మూసీతో బతుకు మసిపై... కదిలిన హైకోర్టు