'రైతులకు రుణమాఫీ వెంటనే ప్రకటించాలి'

తక్షణమే రుణమాఫీ ప్రకటించాలని, బంగారంపై వ్యవసాయ రుణాలు ఇవ్వాలని డిమాండ్ చేస్తూ ఖమ్మం జిల్లా వైరాలో రైతులు ఆందోళనకు దిగారు.

రైతు రుణమాఫీ వెంటనే విడుదల చేయాలని కోరుతూ తెలంగాణ రైతు సంఘం సీపీఎం ఆధ్వర్యంలో ఖమ్మం జిల్లా వైరాలో ఆందోళన నిర్వహించారు. ఎస్బీఐ బ్యాంకు ఎదుట ధర్నాకు దిగారు. రుణమాఫీ ప్రకటించి రైతులకు రుణాలు మంజూరు చేయాలని డిమాండ్ చేశారు. గతంలో బంగారంతో బ్యాంకుల్లో వ్యవసాయ రుణాలు ఇచ్చారని... ప్రస్తుతం వాటిని నిలుపుదల చేయడం వల్ల కర్షకులు అవస్థలు పడుతున్నారని వెల్లడించారు. అనంతరం పలు డిమాండ్లతో బ్యాంకు అధికారికి వినతి పత్రం అందజేశారు.