కరీంనగర్ జిల్లా తీగలగుట్టపల్లిలో దారుణం చోటుచేసుకుంది. గ్రామంలోని హెయిర్ కటింగ్ సెలూన్‌కు ఆసిఫ్ అనే యువకుడు మాస్కు లేకుండా వచ్చాడు. సెలూన్లో పనిచేస్తున్న రాజశేఖర్... మాస్కు పెట్టుకోవాలని సూచించాడు. కోపోద్రిక్తుడైన ఆసిఫ్... మాస్కు పెట్టుకోకపోతే నీకేంటంటూ గొడవకి దిగాడు. వెంటనే కత్తి తీసుకొని రాజశేఖర్ నడుముపై దాడి చేశాడు.
తీవ్ర గాయాలపాలైన రాజశేఖర్ను సెలూన్ యజమాని ఆస్పత్రికి తరలించాడు. అనంతరం పోలీసులకు ఫిర్యాదు చేశాడు. కేసు నమోదు చేసుకున్న పోలీసులు ఆసిఫ్ను అదుపులోకి తీసుకొని విచారిస్తున్నారు.
కరోనా వైరస్ విజృంభిస్తున్న తరుణంలో మాస్కు పెట్టుకోమని సలహా ఇచ్చినందుకే కత్తితో దాడి చేయడం పట్ల స్థానికులు ఆగ్రహం వ్యక్తం చేశారు.
ఇవీ చూడండి: గేటెడ్‌ కమ్యూనిటీల్లో కరోనా చికిత్స
