ఈటల రాజేందర్ తనపై అక్రమ కేసులు పెట్టించారంటూ ఓ వ్యక్తి సెల్ టవర్ ఎక్కాడు. కరీంనగర్ జిల్లా హుజూరాబాద్కు చెందిన తిప్పారపు సంపత్ కొత్తపల్లి సెల్ టవర్ ఎక్కి హల్చల్ చేశాడు. అక్రమ ఆస్తులపై ప్రశ్నించినందుకు ఈటల తనతో పాటు తన అనుచరులపై తప్పుడు కేసులు పెట్టించారని ఆరోపించాడు. రెండు నెలల పాటు జైలు జీవితాన్ని గడిపానని వాపోయాడు.
ఈటలపై పూర్తి స్థాయిలో విచారణ జరిపించాలని సంపత్ డిమాండ్ చేశాడు. సమాచారం అందుకున్న ఎస్సై చీనా నాయక్ ఘటనా స్థలానికి చేరుకున్నారు. బాధితునితో మాట్లాడి సెల్టవర్ దిగాలని కోరారు. తనకు న్యాయం జరిగేంత వరకు దిగే ప్రసక్తే లేదని సంపత్ స్పష్టం చేశాడు.
- ఇదీ చూడండి: పెళ్లైన మూడు రోజులకే కరోనాతో వరుడు మృతి
