కరీంనగర్​ ఇన్​స్పెక్టర్​కు కేంద్ర హోంశాఖ మెడల్​

ప్రతిష్ఠాత్మక కేంద్ర హోంశాఖ మెడల్​కు కరీంనగర్​ జిల్లాలో రిజర్వ్​ ఇన్​స్పెక్టర్​గా పని చేస్తున్న మోడం సురేశ్​ ఎంపికయ్యారు. దేశవ్యాప్తంగా 277మందిని ఎంపిక చేయగా, తెలంగాణకు చెందిన వారు ఆరుగురు ఉన్నారు.

విధి నిర్వహణలో ఉత్తమ ప్రతిభ కనబరిచిన పోలీసులకు కేంద్ర హోంశాఖ అందించే మెడల్​కు కరీంనగర్ పోలీస్​ శిక్షణ కళాశాలకు చెందిన రిజర్వ్ ఇన్​స్పెక్టర్ మోడం సురేష్ ఎంపికయ్యారు. 2019-20 సంవత్సరంలో పోలీసులకు శిక్షణ ఇవ్వడంలో నిరంతరం శ్రమించి సఫలీకృతం అయినందుకు గాను... ఆయనను అవుట్ డోర్ విభాగంలో ఈ పురస్కారానికి ఎంపిక చేశారు.

దీనికి ఎంపికవడం పట్ల పలువురు పోలీస్​ అధికారులు సురేష్​కు అభినందనలు తెలిపారు. మెడల్​ కోసం దేశవ్యాప్తంగా 277 మందిని ఎంపిక చేయగా తెలంగాణకు చెందిన వారు ఆరుగురు ఉన్నారు.

ఇదీ చదవండి: మొక్కలు నాటిన మోనాల్​ గజ్జర్.. మరికొందరికి గ్రీన్​ 'ఛాలెంజ్​'​