Etela Clarity on Competition from Gajwel : సీఎం కేసీఆర్‌పై గజ్వేల్(Ghazwal) నుంచి పోటీ చేస్తానని చెప్పింది ఆషామాషీగా కాదని.. కచ్చితంగా అక్కడి నుంచి బరిలో దిగి తీరుతానని హుజూరాబాద్ ఎమ్మెల్యే ఈటల రాజేందర్ అన్నారు. కరీంనగర్ జిల్లాలోని జమ్మికుంటలో జరగనున్న కేంద్ర రక్షణ శాఖ మంత్రి రాజ్‌నాథ్‌సింగ్‌(Rajnath Singh) బహిరంగ సభ ఏర్పాట్లను ఆయన పరిశీలించారు. ఈ సందర్భంగా దమ్ముంటే ఒకే నియోజకవర్గం నుంచి పోటీ చేయాలంటూ ఇటీవల మంత్రి గంగుల కమలాకర్‌ చేసిన సవాల్‌పై ఈటల స్పందించారు. హుజూరాబాద్ ఉప ఎన్నికలో తనను ఓడించేందుకు రూ.వందల కోట్లు ఖర్చు పెట్టారని గుర్తు చేశారు.
Etela Rajender Challenge to CM KCR : ఎంతో మంది మంత్రులు, ఎమ్మెల్యేలు వచ్చి దౌర్జన్యం చేసి, అధికార యంత్రాంగం మొత్తాన్ని తనపై కేంద్రీకరించినా.. గెలిచానని ఈటల గుర్తు చేశారు. ఆ ఉప ఎన్నిక తర్వాత సీఎం కేసీఆర్ను ఓడించటమే తన లక్ష్యంగా పెట్టుకున్నట్లు చెప్పారు. ఈ మేరకే గజ్వేల్ నుంచి పోటీ చేస్తానని ప్రకటించానన్నారు.
నేను హుజూరాబాద్ ఎన్నికల తర్వాత సీఎం కేసీఆర్కు ఛాలెంజ్ చేశాను. ఉప ఎన్నికల తర్వాత కేసీఆర్ను ఓడించడమే లక్ష్యమని చెప్పాను. ఆ విధంగానే నేను గజ్వేల్ నియోజకవర్గంలో పోటీ చేస్తాను. నేను మాట మీద నిలబడతాను. హుజూరాబాద్ ఉప ఎన్నికల్లో నా మీద గెలిచేందుకు కేసీఆర్ రూ.వందల కోట్లు ఖర్చు పెట్టారు. ఆ ఎన్నికలు జరిగినప్పుడే చెప్పినా.. దమ్ముంటే కేసీఆర్ పోటీ చేయాలని. నేను ప్రజల మద్దతు, ఆశీర్వాదం కలిగిన నాయకుడిని. 22 ఏళ్లుగా రాజకీయాల్లో ఉన్నా. మంచి, చెడులు తెలుసు. వాటికి అనుగుణంగానే స్టేట్మెంట్లు ఇస్తాం. ఈసారి ఎన్నికల్లో కచ్చితంగా బీఆర్ఎస్ను ఓడిస్తాం. - ఈటల రాజేందర్, హుజూరాబాద్ ఎమ్మెల్యే
BJP Meeting in Jammikunta : మరోవైపు జమ్మికుంట ప్రభుత్వ డిగ్రీ కళాశాల మైదానంలో కేంద్ర రక్షణ శాఖ మంత్రి హాజరయ్యే బహిరంగ సభకు భారీ బందోబస్తు మధ్య ఏర్పాట్లు పూర్తి అయ్యాయని ఈటల తెలిపారు. ఈసారి సీఎం కేసీఆర్(CM KCR) ఓటమి బీజేపీ చేతిలోనేనని ఆయన స్పష్టం చేశారు. ఇదిలా ఉండగా.. జమ్మికుంటలో జరిగే బీజేపీ బహిరంగ సభలో మేనిఫెస్టో విడుదల చేయనున్నట్లు తెలుస్తోంది. ఇప్పటికే బీఆర్ఎస్ పోటీ చేసే అభ్యర్థులను, మేనిఫెస్టోను విడుదల చేసింది. కాంగ్రెస్ పార్టీ తన రేసుగుర్రాల తొలి జాబితాను ప్రకటించింది. నవంబర్ నెలలో ఎన్నికల నోటిఫికేషన్ రానుంది. దీంతో రాష్ట్రంలో రాజకీయ పార్టీలన్నీ ఎన్నికలకు సమాయత్తమవుతున్నాయి.
Etela Rajender in Mudiraj Meeting : కొట్లాడాలే తప్ప జేజేలు కొడితే బతుకులు మారవు.. ముదిరాజ్ సభలో ఈటల
Etela Rajendar Counter To KTR Tweet : 'మోదీపై విమర్శలు.. కేసీఆర్ రెండు నాలుకల ధోరణికి నిదర్శనం'
