కరీంనగర్​లో ఎమ్మెల్సీ జీవన్​రెడ్డి ప్రచారం

రాష్ట్రాన్ని కేసీఆర్ అప్పులమయం చేశారని ఎమ్మెల్సీ జీవన్​రెడ్డి ఆరోపించారు. ఈ ఎన్నికల్లో కాంగ్రెస్​ను గెలిపించాలని కరీంనగర్​లో ఆయన ప్రచారం చేశారు.

నగరపాలిక సంస్థ ఎన్నికల్లో భాగంగా కాంగ్రెస్ ఎమ్మెల్సీ జీవన్​రెడ్డి కరీంనగర్​లో ప్రచారం నిర్వహించారు. తెరాస, ఎంఐఎం పార్టీతో ఒప్పందం చేసుకొని మున్సిపల్ ఎన్నికల్లో ఎలాగైనా గెలవాలని నాటకాలు ఆడుతోందని వ్యాఖ్యానించారు.

ప్రజలు దీనిని గుర్తించి కాంగ్రెస్​కు ఓటు వేయాలని సూచించారు. పేదల పక్షాన ఉంటామని చెబుతున్న తెరాస ప్రభుత్వం నిత్యవసర సరుకుల పంపిణీ ఎందుకు నిలిపివేసిందని జీవన్ ప్రశ్నించారు.

ఇదీ చూడండి: దక్షిణ భారతానికి తొలి 'సుఖోయ్ 30 ఎంకేఐ' దళం