'మధ్యమానేరులో నాణ్యతాలోపాలపై సమాధానమివ్వండి'

మధ్యమానేరులో నాణ్యతలోపాలు బయటపడడంతోనే 15 టీఎంసీల నీటిని కిందకు విడిచిపెట్టారని కాంగ్రెస్​ నేత పొన్నం ఆరోపించారు. కరకట్టను నాసిరకంగా నిర్మించారని.. ప్రవాహం పెరిగితే లోతట్టు ప్రాంతాలు మునిగిపోయే ప్రమాదం ఉందని ఆందోళన వ్యక్తం చేశారు. నాణ్యతాలోపాలపై ప్రభుత్వం సమాధానం చెప్పాలని డిమాండ్​ చేశారు.

మధ్యమానేరు ప్రాజెక్టు నిర్మాణంలో డొల్లతనం బయటపడిందని టీపీసీసీ కార్యనిర్వాహక అధ్యక్షుడు పొన్నం ప్రభాకర్​ ఆరోపించారు. మన్వాడ వద్ద నిర్మించిన ప్రాజెక్టును కాంగ్రెస్​ నేతలు ఆది శ్రీనివాస్​, మేడిపల్లి సత్యంతో కలిసి పొన్నం పరిశీలించారు. 25 టీఎంసీల సామర్థ్యం ఉన్నా.. కేవలం 15 టీఎంసీల నీటినే నిల్వచేశారన్నారు. నాణ్యత లోపాలు బయటపడడం వల్ల రాత్రికిరాత్రే 25 గేట్లు ఎత్తి నీటిని కిందకి విడిచిపెట్టారని ఆరోపించారు. ప్రస్తుతం ఈ ప్రాంత ప్రజలు తీవ్ర ఆందోళనలో ఉన్నారన్న పొన్నం... ఇందుకు ప్రభుత్వం సమాధానం చెప్పాలని డిమాండ్​ చేశారు. కరకట్టను మళ్లీ నిర్మించాలని డిమాండ్​ చేశారు.

ఇవీచూడండి: హుస్సేన్​ సాగర్​ నుంచి నీటి విడుదల...