ఆర్టీసీ బస్సులో ప్రయాణిస్తున్న బంధువులకు టికెట్ ఇవ్వకుండా వారిని బస్సులో కూర్చోనిచ్చిన కండక్టర్ను తోటి ప్రయాణికులు నిలదీయగా వారికి టికెట్ ఇచ్చిన ఘటన కామారెడ్డి జిల్లా ఎల్లారెడ్డిలో చోటుచేసుకుంది. కామారెడ్డి డిపోకు చెందిన పల్లె వెలుగు బస్ నిజాంసాగర్ నుంచి కామారెడ్డి వెళ్తోంది. తాత్కాలిక కండక్టర్గా విధులు నిర్వహిస్తున్న శ్రీనివాస్ బంధువులు ఎల్లారెడ్డిలో బస్సు ఎక్కగా కండక్టర్ టికెట్ తీసుకోలేదు. తోటి ప్రయాణికులు గుర్తించి అడగగా.. తమ ఊరి వాడని టికెట్ తీసుకోలేదని ప్రయాణికుడు బదులిచ్చాడు. ఆగ్రహానికి గురైన ప్రయాణికులు కండక్టర్ను నిలదీశారు. చేసేదిలేక అతనికి కూడా టికెట్ తీసుకున్నాడు. కామారెడ్డికి వెళ్ళాక ప్రయాణికులు డిపో మేనేజర్కు ఫిర్యాదు చేసినట్లు తెలుస్తోంది.
తాత్కాలిక కండక్టర్ నిర్వాకం
ఇదీ చూడండి: జేబీఎస్ వద్ద రెండో రోజూ కార్మికుల అరెస్ట్
