'ఆ టీకా వల్లే మా చిన్నారి మృతి చెందింది'

మూడు నెలల చిన్నారికి టీకాలు వేయించి పడుకోబెట్టారు.. కానీ అలాగే పడుకునే సరికి అనుమానం వచ్చి ఆస్పత్రికి తీసుకెళ్లారు. తీరా వైద్యులు మృతి చెందిందని చెప్పారు. ఆవేదన చెందిన కుటుంబ సభ్యులు అంగన్​వాడీ కేంద్రంలో వేసిన టీకా వల్లే తమ చిన్నారి మరణించిందని ఆందోళన చేశారు. ఈ ఘటన కామారెడ్డి జిల్లాలో చోటుచేసుకుంది.

కామారెడ్డి మున్సిపాలిటీ రామేశ్వరపల్లి గ్రామంలో సంతోష్-రమ్య దంపతుల మూడు నెలల చిన్నారి ఆకస్మాత్తుగా మృతి చెందింది. వెంటనే కామారెడ్డిలోని ఓ ప్రైవేటు ఆస్పత్రికి తీసుకెళ్లగా అప్పటికే మృతి చెందాడని వైద్యులు తెలిపారు. తల్లిదండ్రులు నిర్ఘాంతపోయారు.

ఈరోజు గ్రామంలోని అంగన్​వాడీ కేంద్రంలో చిన్నారికి 3 నెలల టీకా వేయించామన్నారు. ఆ టీకా వికటించి చిన్నారి మృతి చెందిందని కుటుంబ సభ్యులు ఆరోపించారు. ఆ టీకానే మృతికి కారణమని విలపించారు. ఇప్పటి వరకూ చిన్నారికి ఎలాంటి జబ్బు లేదని పేర్కొన్నారు. చిన్నారి మృతిపై దేవునిపల్లి పోలీస్ స్టేషన్​లో ఫిర్యాదు చేశారు.

ఇదీ చూడండి : రేవంత్​ జైలుకెళ్లింది అందుకోసం కాదు: రాజగోపాల్​ రెడ్డి