'మిగితా పంటను ఎక్కడ అమ్ముకోవాలి'

కందులు కొనుగోలు చేయాలని మాజీ ఎమ్మెల్యే సంపత్ కుమార్ 44వ నంబర్ జాతీయ రహదారిపై రాస్తారోకో చేశారు. కందులు కొంటామని చెప్పిన అధికారులు మార్కెట్​కు తీసుకొచ్చాక ఎకరాకు 2 కింటాళ్లే కొంటున్నారని మిగితా పంటను ఎక్కడ అమ్ముకోవాలని ప్రశ్నించారు.

జోగులాంబ గద్వాల్ జిల్లాలో కందులను కొనాలని అలంపూర్ చౌరస్తా 44వ నంబర్ జాతీయ రహదారిపై రైతులతో కలిసి మాజీ ఎమ్మెల్యే సంపత్ కుమార్ రాస్తారోకో నిర్వహించారు. ఈ నేపథ్యంలో రెండు కిలోమీటర్ల మేర ట్రాఫిక్ జాం అయ్యింది. రైతుల విషయంలో తెరాస ప్రభుత్వం పూర్తిగా విఫలమైందని అన్నారు.

కందులు కొంటామని చెప్పిన అధికారులు రైతులు మార్కెట్​కు తీసుకొచ్చాక ఎకరాకు 2 కింటాళ్లే కొంటామంటే మిగితా పంటను ఎక్కడ అమ్ముకోవాలని ప్రశ్నించారు. మార్కెట్​లో రైతులకు సరైన సదుపాయాలు కల్పించడంలో అధికారులు పూర్తిగా విఫలమయ్యారని దుయ్యబట్టారు. సంఘటన స్థలం నుంచే ఉన్నతాధికారులకు ఫోన్ చేసి మాట్లాడారు. ప్రభుత్వం వెంటనే రైతుల దగ్గరున్న కందులు మొత్తం కొనుగోలు చేయాలని డిమాండ్ చేశారు.

ఇదీ చూడండి : మేడారం జాతరకు హెలికాప్టర్​ సేవలు ప్రారంభం