'ప్రజల సహకారంతోనే కరోనా నివారణ సాధ్యం'

కరోనా మహమ్మారి నివారణకు ప్రజలు సహకరించాలని జోగులాంబ గద్వాల జిల్లా అదనపు కలెక్టర్​ శ్రీనివాస్​ రెడ్డి కోరారు. అలంపూర్​, ఐజ మండలాల్లో ఆర్డీఓ రాములుతో కలిసి పర్యటించారు.

జోగులాంబ గద్వాల్​ జిల్లా అలంపూర్, ఐజ మండలాల్లోని కంటైన్మెంట్​ ప్రాంతాల్లో అదనపు కలెక్టర్​ శ్రీనివాస్​ రెడ్డి, ఆర్డీఓ రాములు పర్యటించారు. కంటైన్మెంట్​ ప్రాంతాల ప్రజలతో మాట్లాడారు. ప్రజలెవరూ ఇళ్లలో నుంచి బయటకు రావొద్దని సూచించారు.

అత్యవసర పరిస్థితుల్లో బయటకు వచ్చే వారు కచ్చితంగా మాస్కులు ధరించాలని ఆర్డీఓ రాములు విజ్ఞప్తి చేశారు. కరోనా నియంత్రణపై ప్రజలకు అవగాహన కల్పించారు.

కంటైన్మెంట్​లో ఉన్న ప్రజలకు ప్రతిరోజు జనరల్​ చెకప్​లు నిర్వహించాలని ఆరోగ్య అధికారులను కలెక్టర్​ ఆదేశించారు. వారికి అవసరమైన నిత్యావసర సరుకులు, కూరగాయలు వాలంటీర్ల సాయంతో అందజేయాలని స్థానిక అధికారులకు సూచించారు.