గద్వాల జిల్లా రాజోలి మండలం తుమ్మిళ్ల క్లస్టర్‌ ఏఈవో ప్రకాశంను కలెక్టర్ శ్రుతి ఓజా సస్పెండ్ చేశారు. ఆరుగురు రైతులకు చెందిన రైతుబంధు డబ్బులు 58 వేల 852 రూపాయలు తన ఖాతాకు మళ్లించుకున్నారు. ఉన్నతాధికారుల విచారణలో అతని అవినీతి వెలుగులోకి వచ్చింది. విషయం జిల్లా కలెక్టర్కు తెలుపగా ఆమె సస్పెండ్ చేస్తూ ఉత్తర్వులు జారీ చేశారు.
మండలానికి చెందిన ఆరు మంది రైతులు బతుకు తెరువు కోసం ఊరు వదిలి వెళ్లిపోయారు. ఇదే అదునుగా తీసుకుని సదరు రైతుల వివరాలు సేకరించిన విస్తరణాధికారి రైతుల బ్యాంకు ఖాతాకు బదులు తన సొంత ఖాతాను ఇచ్చాడు. వారికి అందాల్సిన రైతుబంధు డబ్బులు తన సొంత ఖాతాలోకి పంపుకుని చివరకు చిక్కాడు.
ఇదీ చూడండి : డొంక కదులుతోంది: సీఐ శంకరయ్య అవినీతి లీలలెన్నో!
