టాస్క్ఫోర్స్ పోలీసులు, వ్యవసాయ శాఖ అధికారులు గత రెండు రోజుల నుంచి విస్తృతంగా దాడులు నిర్వహిస్తున్నా నకిలీ విత్తనాలు చలామణి అవుతున్నాయి. జోగులాంబ గద్వాల జిల్లాలోని గద్వాల మండలం మదనపల్లి గ్రామంలో ఓ ఇంట్లో నిల్వ ఉంచిన 130 కేజీల నకిలీ పత్తి విత్తనాలను టాస్క్ఫోర్స్ పోలీసులు స్వాధీనం చేసుకున్నారు.
పోలీస్ అధికారులు నమ్మదగిన సమాచారం మేరకు గ్రామంలో తనిఖీలు నిర్వహించగా నకిలీ విత్తనాలు పట్టుబడ్డాయి. వాటిని స్వాధీనం చేసుకుని విక్రయిస్తున్న వారిపై పోలీసులు కేసు నమోదు చేసి దర్యాప్తు చేస్తున్నట్లు ఏవో రాజశేఖర్ తెలిపారు.
ఇవీ చూడండి: 20 టన్నుల నల్లబెల్లం పట్టివేత
