అనంతపురం వచ్చినా అంబులెన్స్ను సరిహద్దులో రాష్ట్ర పోలీసులు అనుమతించకపోవడంపై బాధితులు ఆవేదన వ్యక్తం చేశారు. ఎంతసేపు బతిమాలిన కూడా వినకపోవడంపై కొవిడ్ బాధితుని కుటుంబసభ్యులు ఆందోళన చెందారు. రాష్ట్రంలోకి అనుమతి లేదంటూ జోగులాంబ గద్వాల జిల్లా పుల్లూరు టోల్ ప్లాజా వద్ద అంబులెన్స్ను పోలీసులు నిలిపివేశారు. అనంతరం ఉన్నతాధికారులతో చర్చించిన పోలీసులు చివరికి అనుమతించారు.
మొదట వినలేదు...
హైదరాబాద్లోని ఒక ప్రైవేటు ఆస్పత్రిలో బెడ్ ఉందని చెప్పినా పోలీసులు వినిపించుకోవడం లేదని వాపోయారు. ప్రజల ప్రాణాలతో చెలగాటమాడుతున్న తెలుగు రాష్ట్రాల సీఎంలపై బాధితుని బంధువులు ఆగ్రహం వ్యక్తం చేశారు. అనంతపురంలో సరైన సౌకర్యాలు లేకపోవడంతోనే చికిత్స కోసం హైదరాబాద్ వెళ్తున్నామని పోలీసులను వేడుకున్నారు. చివరకు పోలీసులు ఉన్నతాధికారులతో సంప్రదింపులు జరిపాక రాష్ట్రంలోకి అనుమతి ఇచ్చారు.
