రేగొండ పీహెచ్​సీ వద్ద కొవిడ్ టీకా కోసం బారులు

రోజురోజుకు విజృంభిస్తున్న కరోనా వల్ల.. వ్యాక్సినేషన్ పట్ల ప్రజల్లో వచ్చిన అవగాహనతో టీకా తీసుకునేందుకు ప్రజలు ఆసక్తి చూపుతున్నారు. భూపాలపల్లి జిల్లా రేగొండ మండలం పీహెచ్​సీ వద్ద కొవిడ్ వ్యాక్సిన్ కోసం ప్రజలు ఉదయం నుంచే బారులు తీరారు.

భూపాలపల్లి జిల్లా రేగొండ మండలం పీహెచ్​సీ వద్ద కరోనా వ్యాక్సిన్​ కోసం ప్రజలు బారులు తీరారు. ఉదయం 8 గంటల నుంచే సమీప గ్రామాల నుంచి పెద్ద సంఖ్యలో తరలిరావడం వల్ల రద్దీ ఏర్పడింది. రేగొండ, రామన్నగూడెం, దుంపిళ్లపల్లి, జగ్గయ్యపేట గ్రామాల్లోనూ వ్యాక్సినేషన్ కేంద్రాలు ఏర్పాటు చేశారు.

రోజురోజుకు కరోనా విజృంభిస్తుండటం.. వ్యాక్సిన్​ పట్ల ప్రజల్లో అవగాహన పెరగడం వల్ల టీకా తీసుకునేందుకు మొగ్గుచూపుతున్నారు. రద్దీ దృష్టిలో ఉంచుకుని పీహెచ్​సీలో నాలుగు కౌంటర్లు ఏర్పాటు చేశారు.

• ఇదీ చదవండి : ప్రాణాలు పోయే ముందు గాంధీకి వస్తున్నారు: ఈటల