'తెరాస ప్రభుత్వం రాకతో కరెంటు కష్టాలు తీరాయ్​'

జయశంకర భూపాలపల్లి జిల్లా భూపాలపల్లి పట్టణంలోని మున్సిపల్​ ఎన్నికల ప్రచారంలో భాగంగా మంత్రి ఎర్రబెల్లి దయాకరరావు, ఎమ్మెల్యే గండ్ర వెంటకరమణ రెడ్డిలు అభ్యర్థులతో కలిసి ర్యాలీ నిర్వహించారు. మున్సిపాలిటీ పరిధిలోని అన్ని వార్డుల్లోనూ ప్రజలు తెరాస పార్టీ అభ్యర్థులను గెలిపార్తనే నమ్మకం ఉందని ఎమ్మెల్యే గండ్ర ధీమా వ్యక్తం చేశారు.

తెలంగాణ వస్తే చీకటిమయం అవుతుందని కొందరు ప్రగల్భాలు పాలికారని, దానిని ఛాలెంజ్​గా తీసుకుని 24 గంటల విద్యుత్​ను అందిస్తున్నామని పంచాయతీరాజ్​శాఖ మంత్రి ఎర్రబెల్లి దయాకరరావు అన్నారు. మున్సిపాలిటీ ఎన్నికల నేపథ్యంలో తెరాస పార్టీ ఆధ్వర్యంలో కాకతీయ కాలనీ నుంచి జంగెడు వరకు ర్యాలీ నిర్వహించారు.

రాష్ట్రం ఏర్పడక ముందు కరెంట్ సరిగ్గా లేక తీవ్ర అవస్థలు ఎదుర్కొనేవారని... ఇప్పుడు అలాంటి పరిస్థితి నుంచి విముక్తి కలిగిందని ఎర్రబెల్లి పేర్కొన్నారు. ముఖ్యమంత్రి కేసీఆర్ ప్రారంభించిన మిషన్ భగీరథని ఎంతో మంది ఎద్దేవా చేశారని, ఇప్పుడు నీళ్లొస్తుంటే అందరూ నోళ్లు ముసుకున్నారన్నారు.

జయశంకర భూపాలపల్లిని ఆదర్శ పట్టణంగా తీర్చిదిద్దుకోవాలని ఆయన సూచించారు. మున్సిపాలిటీ పరిధిలోని 30 వార్డుల్లోనూ తెరాస అభ్యర్థులనే గెలిపిస్తారనే నమ్మకం ఉందన్నారు. తెరాసను గెలిపిస్తే మహిళను ఛైర్మన్​ చేస్తామని ప్రకటించారు. వంద పడకల ఆస్పత్రిని, పార్కును, మినీ ట్యాంక్ బ్యాండ్​ను, డబుల్ బెడ్ రూమ్ ఇళ్లను నిర్మించి ఇస్తామని ఎమ్మెల్యే గండ్ర తెలిపారు.

ఇదీ చూడండి : బస్తీమే సవాల్: పంచాయతీ కన్నా వెనుకబడ్డ జవహర్​నగర్ కార్పొరేషన్