జయశంకర్ భూపాలపల్లి జిల్లా సింగరేణి క్లబ్ హౌస్లో ఎంపీడీవోలు, నీటిపారుదల ఇంజినీర్లతో కలెక్టర్ మహ్మద్ అబ్దల్ అజీం సమావేశం నిర్వహించారు. జలహితం కార్యక్రమంలో భాగంగా నేటి నుంచి చెరువులు, కుంటలు, కాలువలో పూడికతీత, ముళ్ల కంపల తొలగింపు పనులు చేపట్టాలని ఆదేశించారు. లాక్డౌన్ వలన ఉపాధి కరువైన నిరుపేదలకు ఈ కార్యక్రమం ద్వారా అత్యధికంగా లబ్ధి పొందేలా చర్యలు తీసుకోవాలని వెల్లడించారు.
18 సంవత్సరాలు నిండిన అర్హులైన ప్రతి ఒక్కరికీ జాబ్ కార్డు ఇచ్చి ఉపాధి కల్పించాలని అధికారులను ఆదేశించారు. పూడికతీత పనులను లక్ష్యంగా పెట్టుకొని పనులు నిర్వహించాలన్నారు. కార్యక్రమంలో జిల్లా పంచాయతీ అధికారి చంద్రమౌళి, జిల్లా వ్యవసాయ అధికారి డాక్టర్ నగేష్, డివిజనల్ పంచాయతీ అధికారి సుధీర్, ఇరిగేషన్ డీఈ ప్రసాద్, ఏఈలు, ఎంపీడీవోలు, తదితరులు పాల్గొన్నారు.
