జయశంకర్ భూపాలపల్లి జిల్లా రేగొండ మండలంలోని ఆంధ్రప్రదేశ్ గ్రామీణ వికాస్ బ్యాంకులో తిరుమలగిరి గ్రామానికి చెందిన రాజు రుణాలు ఇవ్వడం లేదనే మనస్థాపంతో ఆత్మహత్యకు ప్రయత్నించాడు. రాజుకి జగ్గయ్యపేట శివారులో వ్యవసాయభూమి ఉండగా బ్యాంకు అధికారులు మాత్రం వేరే గ్రామంలో ఉన్న భూమికి తిరమలగిరిలో రుణం ఇవ్వలేమని తెలిపారు. మనస్తాపం చెందిన రాజు పురుగు మందు తెచ్చుకొని తాగే ప్రయత్నం చేయగా మిగిలిన రైతులు అడ్డుకున్నారు. విషయం తెలుసుకున్న పోలీసులు వెంటనే అక్కడికి వచ్చి రైతు నుంచి వివరాలు సేకరించారు. రుణం రాలేదని ఆత్మహత్య చేసుకోకూడదని కౌన్సెలింగ్ ఇచ్చి ఇంటికి పంపించారు.
రుణం ఇవ్వలేదని బ్యాంకులోనే రైతు ఆత్మహత్యాయత్నం
