'మేడిగడ్డ బ్యారేజీ గేట్లు మూసివేత'

జయశంకర్ భూపాలపల్లి జిల్లాలోని మేడిగడ్డ బ్యారేజీలో గేట్లను మూసివేశారు. నాలుగు రోజుల విరామం అనంతరం కన్నెపల్లిలో 3, 4 పంపులు తిరిగి ప్రారంభమయ్యాయి. అన్నారం రెండో పంపునకు ఇవాళ వెట్‌రన్ నిర్వహించనున్నారు.

కాళేశ్వరం ప్రాజెక్టులోని మేడిగడ్డ బ్యారేజీ గేట్లను అధికారులు మూసివేశారు. 3 రోజులుగా గేట్లను తెరిచి నీటిని కిందకు వదిలారు. ఆదివారం 10 వేల క్యూసెక్కుల నీరు దిగువకు వెళ్లింది. ప్రస్తుతం మేడిగడ్డ బ్యారేజీ వద్ద 7 టీఎంసీల నీటి నిల్వ ఉంది. 4 రోజుల విరామం అనంతరం కన్నెపల్లి పంపుహౌస్‌లోని 3, 4 పంపుల ద్వారా గ్రావిటీ కాలువలోకి నీటిని ఎత్తిపోశారు. పంపులు ఆటోమేషన్‌ పద్ధతిలో పనిచేస్తున్నాయి. అన్నారం పంపుహౌస్‌ రెండో పంపునకు ఇవాళ వెట్‌రన్‌ చేసేందుకు అధికారులు సన్నాహాలు చేస్తున్నారు. ప్రస్తుతం అన్నారం బ్యారేజీలో 5.7 టీఎంసీల నీరు నిల్వ ఉంది.

ఇదీ చూడండి:ఉజ్జయినీ బోనం... మురిసింది భాగ్యనగరం