పేద కుటుంబాలకు నిత్యావసర సరుకుల పంపిణీ

లాక్​డౌన్​ సమయంలో పేద కుటుంబాలకు సాయం చేసేందుకు చాలా మంది దాతలు ముందుకొస్తున్నారు. నిరుపేదలకు నిత్యావసర సరుకులను పంపిణీ చేస్తున్నారు.

కరోనా వైరస్ మహమ్మారి నిర్మూలన కోసం రాష్ట్ర వ్యాప్తంగా లాక్​డౌన్ కొనసాగుతున్న నేపథ్యంలో జనగామ పట్టణంలో 3వ వార్డు కౌన్సిలర్ డాక్టర్​ సుధా నిత్యావసర సరుకులు పంపిణీ చేశారు. ఈ కార్యక్రమంలో ఎమ్మెల్యే ముత్తిరెడ్డి యాదగిరి రెడ్డి పాల్గొని పేద కుటుంబాలకు సరుకులను అందజేశారు. ప్రజలందరూ ఏకమై కరోనా మహమ్మారిని తరిమికొట్టాలని ఎమ్మెల్యే పేర్కొన్నారు. వైరస్​పై సోషల్ మీడియాలో వస్తున్న అసత్య ప్రచారాలను నమ్మవద్దని సూచించారు. లాక్​డౌన్ కొనసాగుతున్న నేపథ్యంలో ప్రతి ఒక్కరు ముందుకు వచ్చి... పేద కుటుంబాలను ఆదుకోవాలని పిలుపునిచ్చారు.

ఇవీ చూడండి: కరోనా కాలం.. నయా పంథాలో సైబర్​ నేరగాళ్లు