శాంతిభద్రతల పరిరక్షణలో సీసీ కెమెరాలు ప్రముఖపాత్ర పోషిస్తున్నాయని వరంగల్ పోలీస్ కమిషనర్ విశ్వనాథ్ రవీందర్ అన్నారు. జనగామలో నూతనంగా ఏర్పాటు చేసిన 108 కమ్యూనిటీ సీసీ కెమెరాలను ప్రారంభించారు. ఈ కెమెరాలతో ఉంటే నేరస్థులను పట్టుకోవడం, నేరాల నియంత్రణ సులభతరమవుతుందన్నారు. వరంగల్ కమిషనరేట్ పరిధిలో సీసీ కెమెరాల ద్వారా ఎన్నో కేసులు పరిష్కారమయ్యాయని సీపీ తెలిపారు.
వరంగల్ అర్బన్, రూరల్, జనగామ జిల్లాల పరిధిలో 600గ్రామాల్లో 3 వేల కెమెరాలు అమర్చినట్టు వివరించారు. 100కి డయల్ చేస్తే 7 నుంచి 10 నిమిషాల్లో స్పందించేలా డీజీపీ చర్యలు తీసుకుంటున్నట్టు పేర్కొన్నారు. రాష్ట్రంలో ఎక్కువ నిధులు పోలీసు శాఖకు కేటాయించడం సంతోషకరమన్నారు. ఈ కార్యక్రమంలో కలెక్టర్ నిఖిల, ఎమ్మెల్యే ముత్తిరెడ్డి యాదగిరి రెడ్డి, మున్సిపల్ ఛైర్మన్ జమున పాల్గొన్నారు.
ఇదీ చూడండి: ఎంపీ రేవంత్ రెడ్డిపై కేసు నమోదు
