కేటీఆర్​ పేరుతో బైక్​ నెంబర్​

వాహనాలపై ఫ్యాన్సీ నెంబర్ల కోసం చాలా మంది మోజు పడతారు. కానీ జగిత్యాలలో ఏకంగా కేటీఆర్​ పేరు వచ్చేలా నకిలీ నంబరుతో తిరుగుతున్న ద్విచక్రవాహనదారుడిని పోలీసులు పట్టుకున్నారు.

ఫ్యాన్సీ నెంబరంటే ఎవరికి మోజు ఉండదు. వేలంపాటల్లో నెంబరు దక్కించుకున్న కొందరు పోటీ పడతారు. నిబంధనలు ఉల్లఘించి పోలీసుల నుంచి తప్పించుకునేందుకు ఇంకొందరు నెంబర్లు మార్చి జిమ్మిక్కులు చేస్తుంటారు. కానీ జగిత్యాలలో ఓ యువకుడు తన బైక్​ నెంబర్​ ప్లేట్​పై కేటీఆర్ పేరు రాయించాడు.

తన బండి ముందు వైపు ఏపీ 15 UKTR​ 6770 అని, వెనుక భాగంలో ఏపీ 15 KTR​ 6770 అని ఉంది. ఈ నెంబరుతో ఆన్​లైన్​లో పత్రాలు కూడా సృష్టించారు. అసలు అలాంటి సిరీస్​ లేదని, చర్యలు తీసుకునేందుకు పోలీసులు సిద్ధమయ్యారు. ఆ యువకుడు మాత్రం కరీంనగర్​లో ఓ బ్రోకర్​ వద్ద వాహనం కొనుగోలు చేసినట్లు చెబుతున్నాడు.

ఇదీ చూడండి: క్లాస్​రూంలో చిన్నారి..బడికి తాళమేసిన సిబ్బంది