జగిత్యాల జిల్లా కొడిమ్యాల తహసీల్దార్ కార్యాలయంలో ఇద్దరు అన్నదమ్ములు ఆత్మహత్యాయత్నానికి పాల్పడ్డారు. నాచుపల్లి గ్రామంలో ఐదు గుంటల భూమి రికార్డుల్లో లేకుండా చేశారని మామిడి అంజయ్య ఒంటిపై పెట్రోల్ పోసుకున్నాడు. అక్కడే ఉన్న స్థానికులు, కానిస్టేబుల్ అడ్డుకున్నారు.
మామిడి చందు తన వెంట పురుగులమందు డబ్బా తీసుకురాగా పోలీసులు స్వాధీనం చేసుకున్నారు. తమ భూమి గురించి అడిగితే తహసీల్దార్ కేసు పెట్టారని ఆవేదన చెందారు. ఎస్సై శివకృష్ణ ఇద్దరిని పోలీస్ స్టేషన్కు తరలించి విచారణ చేస్తున్నారు. మరో వైపు తహసీల్దార్ రవీందర్ రావు నాచుపల్లిలో వీరి భూమి రెండు గుంటలు శ్రీపాదసాగర్ ఎల్లంపల్లి కాలువ భూసేకరణలో కోల్పోయారని తెలిపారు. మరో మూడు గుంటలు రికార్డు లేకపోవటం వల్ల తప్పుడు సమాచారం అందించి పట్టా పొందారని పేర్కొన్నారు.
ఇదీ చూడండి : కరోనాకి భారత్ బయోటెక్ 'కోవ్యాక్సిన్'.. జులైలో మానవులపై...
