ముత్యంపేట చక్కెర ఫ్యాక్టరీ పునఃప్రారంభించాలని రైతుల డిమాండ్​

Sugarcane Farmers Protest in Jagtial : ముఖ్యమంత్రి కేసీఆర్​.. కోరుట్ల నియోజకవర్గంలోని ముత్యంపేట షుగర్​ ఫ్యాక్టరీని పునః ప్రారంభించాలని జగిత్యాల చెరుకు రైతులు డిమాండ్​ చేశారు. ఈ మేరకు జగిత్యాల జిల్లా ఇబ్రహీంపట్నం మండల కేంద్రంలో నిరసనకు దిగారు.

Sugarcane Farmers Protest in Jagtial : కోరుట్ల నియోజకవర్గంలోని మల్లాపూర్ మండలం ముత్యంపేటలో మూతపడ్డ చక్కెర కర్మాగారాన్ని తిరిగి తెరిపించాలని చెరుకు రైతులు ఆందోళనకు దిగారు. జగిత్యాల జిల్లా ఇబ్రహీంపట్నం మండల కేంద్రంలో చెరుకు రైతులు బీఆర్​ఎస్​ ప్రభుత్వానికి వ్యతిరేకంగా నిరసన చేపట్టారు. రేపు కోరుట్లలో జరగబోయే సభలో.. ముఖ్యమంత్రి కేసీఆర్ మూతపడ్డ చక్కెర ఫ్యాక్టరీని పునః ప్రారంభిస్తామని ప్రకటన చేయాలని డిమాండ్​ చేశారు.

Farmers Demand to Reopen Muthyampet Sugar Factory : చెరుకు ఫ్యాక్చరీ పునః ప్రారంభంపై ప్రభుత్వం నిమ్మకు నీరెత్తినట్లుగా ఉంటోందని చక్కెర రైతులు విమర్శించారు. చక్కెర కర్మాగారాన్ని తిరిగి ప్రారంభించ లేని పక్షంలో ప్రభుత్వానికి వ్యతిరేకంగా పోరాటం చేస్తామని హెచ్చరించారు. పసుపు బోర్డు విషయమై ఎంపీ ఎన్నికల్లో రైతులందరూ సంఘటితంగా పోటీ చేసి కవితను ఓడిచ్చినట్టే.. అసెంబ్లీ ఎన్నికల్లో సైతం భారీ ఎత్తున చెరుకు రైతులు పోటీలో నిలబడి బీఆర్ఎస్​ అభ్యర్థిని ఓడిస్తామని రైతులు హెచ్చరించారు.

కోరుట్ల నియోజకవర్గంలోని ముత్యంపేట చక్కెర ఫ్యాక్టరీని పునః ప్రారంభిస్తానని.. ముఖ్యమంత్రి కేసీఆర్​ ప్రకటన చేయాలి. లేని పక్షంలో బీఆర్​ఎస్​కు వ్యతిరేకంగా పోరాటం చేస్తాము. నిజామాబాద్​ పసుపు బోర్డు కోసం రైతుల మాదిరిగా.. రాబోయే శాసన సభ ఎన్నికల్లో రైతులందరం పెద్దసంఖ్యలో నామినేషన్లు దాఖలు చేస్తాం. ఇప్పటికైనా కేసీఆర్​ స్పందించి చక్కెర కార్మాగారం తిరిగి ప్రారంభించేందుకు సానుకూలంగా ప్రకటన చేయాలి. - చెరుకు రైతు, జగిత్యాల

Muthyampet Sugar Factory Issue : మరోవైపు జగిత్యాల చక్కెర కార్మాగారంపై కాంగ్రెస్​, బీఆర్​ఎస్​ మధ్య తీవ్ర రాజకీయ దుమారం చెలరేగుతోంది. బీఆర్​ఎస్​ అధికారంలోకి వచ్చాకే.. ముత్యంపేట షుగర్​ ఫ్యాక్టరీని పూర్తింగా మూసేశారని ఎమ్మెల్సీ జీవన్​రెడ్డి(MLC Jeevan Reddy) ఆరోపించారు. చక్కెర కర్మాగారాన్ని నమ్ముకున్న వేలాది మంది రైతు కుటుంబాలు.. నేడు మూతపడ్డ ఫ్యాక్టరీతో జీవనోపాధి కోల్పోయి రోడ్డున పడ్డాయని దుయ్యబట్టారు. వచ్చే ఎన్నికల్లో రైతులు బీఆర్​ఎస్​కు తగిన బుద్ధి చెప్పాలని జీవన్ రెడ్డి కోరారు. ఇప్పటికైనా రైతులు మోసపూరిత మాటలు వినకుండా ముందుకు వెళ్లాలని సూచించారు.

జీవన్​రెడ్డి ఆరోపణలపై బీఆర్​ఎస్​ ఎమ్మెల్సీ కవిత స్పందించారు. మూతపడ్డ చక్కెర పరిశ్రమను పున ప్రారంభించకుండా.. బీజేపీ ఎంపీ అరవింద్​ న్యాయపరమైన చిక్కులు సృష్టించారని పేర్కొన్నారు. న్యాయపరైన ఇబ్బందులు లేకపోతే పరిశ్రమను పునః ప్రారంభించేవారమన్నారు. నిజాం చక్కర పరిశ్రమను 1937లో నిజాం ప్రభుత్వం ఏర్పాటు చేస్తే.. కాంగ్రెస్ ఏర్పాటు చేసిందంటూ జీవన్​రెడ్డి అసత్య ప్రచారం చేస్తున్నారని మండిపడ్డారు.