జగిత్యాల జిల్లా మెట్పల్లి, కోరుట్లలో ఆర్టీసీ బస్సులు రోడ్డెక్కాయి. ఉదయం 6 గంటల నుంచే డిపోల పరిధిలోని వివిధ ప్రాంతాలకు బస్సులు బయలుదేరాయి. కరోనా వ్యాప్తి నేపథ్యంలో డిపో మేనేజర్లు... డ్రైవర్లు, కండక్టర్లకు బస్సులను నడిపే సమయంలో తీసుకోవాల్సిన జాగ్రత్తల గురించి వివరించారు.
మెట్పల్లి ఆర్టీసీ డిపోలో విధుల్లో చేరే డ్రైవర్లు, కండక్టర్లకు చేతులు శుభ్రం చేయించి... ముఖానికి మాస్కు ధరించిన తర్వాతనే వారిని డ్యూటీకి అనుమతించారు. మాస్కులు లేని వారిని తిప్పి పంపారు. అలాగే ప్రయాణికుల చేతులకు శానిటైజర్ చల్లిన తర్వాతే బస్సులోకి అనుమతించారు. మాస్కులు ధరించని వారిని అనుమతించలేదు. ఇంటర్మీడియట్ పరీక్షా పత్రాలను దిద్దేందుకు వెళ్లే అధ్యాపకుల కోసం... మెట్పల్లి ఆర్టీసీ డిపో నుంచి 3 ఆర్టీసీ బస్సులను ఏర్పాటు చేసి వారిని కరీంనగర్కు తరలించారు.
