జగిత్యాల జిల్లా కలెక్టరేట్లో మాజీ ప్రధాని పీవీ నరసింహారావు శత జయంతి వేడుకలు ఘనంగా నిర్వహించారు. వేడుకల్లో కలెక్టర్‌ రవి, అదనపు కలెక్టర్‌ రాజేశంతోపాటు జిల్లా పరిషత్ అధ్యక్షురాలు వసంత, ఎమ్మెల్సీ జీవన్‌రెడ్డి, ఎమ్మెల్యే డాక్టర్‌ సంజయ్‌కుమార్‌ హాజరయ్యారు. పీవీ చిత్రపటానికి పూలమాలు వేసి నివాళులు అర్పించారు.
దేశ ప్రధానిగా పీవీ నరసింహారావు చేపట్టిన ఆర్థిక సంస్కరణలను నాయకులు కొనియాడారు. ఎమ్మెల్సీ జీవన్‌రెడ్డి నివాసంలోనూ కాంగ్రెస్‌ పార్టీ ఆధ్వర్యంలో పీవీ శత జయంతి వేడుకలు నిర్వహించారు. పీవీ చిత్ర పటానికి పూలమాలలు వేసి నివాళులర్పించారు. కాంగ్రెస్‌ పార్టీకి, దేశానికి చేసిన సేవలను జీవన్‌రెడ్డి గుర్తు చేసుకున్నారు.
