నిబంధనలు మాకే కాదు... మీకు కూడా

వాహన ప్రతాలు, శిరస్త్రాణం లేకుంటే ట్రాఫిక్‌ పోలీసులు జరిమానాలు దంచి వసూలు చేస్తారు. మరీ పోలీసులే నిబంధనలు అతిక్రమిస్తే వారికి జరిమానాలు తప్పవంటూ నిరూపించారు జగిత్యాల యువకులు.

జగిత్యాల జిల్లా కేంద్రంలో ఏఎస్‌ఐ వెంకటేశ్వర్‌రావు శిరస్త్రాణం లేకుండా వెళుతున్న చిత్రాన్ని తీసి కొందరు యువకులు సామాజిక మధ్యమాల్లో పెట్టారు. మీకు లేవా రూల్స్‌ అంటూ ఫేస్​బుక్​ ద్వారా ప్రశ్నించారు. స్పందించిన జిల్లా ఎస్పీ సింధూ శర్మ వెంటనే ఈ చలాన్‌ ద్వారా రూ.135లు జరిమానా విధించారు. జగిత్యాల పోలీసులు తీసుకున్న ఈ చర్యతో స్థానికుల నుంచి హర్షం వ్యక్తమవుతోంది.

ఇవీ చూడండి: స్వచ్ఛందసంస్థ స్థాపకుడి నుంచి సివిల్స్​ర్యాంకర్​గా..!