జగిత్యాల జిల్లా జాబితాపూర్కు చెందిన లవకుమార్ అనే యువకునికి ఏపీ15బీఏ5036 ద్విచక్రవాహనం ఉంది. కరీంనగర్లో ట్రాఫిక్ ఉల్లంఘనకు పాల్పడినట్లు ఈ చలాన్ ద్వారా జరిమానా పంపారు ట్రాఫిక్ పోలీసులు. అసలు తాను కరీంనగర్కే వెళ్లలేదని... ఏదో పొరపాటు జరిగిందని బాధితుడు పోలీసులను ఆశ్రయించాడు.
అదే నంబరుతో మరో వాహనం కరీంనగర్లో ఉన్నట్లు పోలీసులు గుర్తించారు. ఈ విషయంపై ఆరా తీయగా నకిలీ నంబరుతో ట్రాఫిక్ నిబంధనలు అతిక్రమించి దర్జాగా తిరుగుతున్న వ్యక్తి దొరికాడు. గతంలోనూ ఓ ఆటో నడిపే వ్యక్తికి చలానా ద్వారా జరిమానా పంపగా ఆరా తీసిన పోలీసులు నకిలీ నంబరుతో తిరుగుతున్న వ్యక్తిని గుర్తించారు.
వాహనదారులకు ఈ చలాన్ రావడం వల్ల పలుమార్లు నకిలీ నంబర్ల బాగోతం బయటపడింది. ఇలా నకిలీ నంబర్ ప్లేటు బిగించుకుని దర్జాగా తిరిగేవారిని గుర్తించి, చర్యలు తీసుకుంటామని జగిత్యాల ట్రాఫిక్ ఎస్ఐ ఆరోగ్యం తెలిపారు.
- ఇదీ చూడండి : 'రాష్ట్రం సుభిక్షంగా ఉండాలె తల్లీ'
