ఘనంగా మల్లన్న జాతర... కిక్కిరిసిన ఆలయం

జగిత్యాల జిల్లాలో మల్లన్న జాతర ఘనంగా నిర్వహించారు. సుమారు 30వేల మంది స్వామికి బోనాలు సమర్పించారు. ఎలాంటి అవాంఛనీయ ఘటనలు జరగకుండా పోలీసులు పటిష్ఠ బందోబస్తు ఏర్పాటు చేశారు.

జగిత్యాల జిల్లా మెట్​పల్లి మండలం పెద్దాపూర్ గ్రామంలో మల్లన్న స్వామి బోనాల జాతర ఘనంగా నిర్వహించారు. ప్రతి ఏటా కామదహనం తర్వాత వచ్చే మొదటి ఆదివారం రోజున ఈ వేడుక జరుపుకుంటారు.

ఆలయ కమిటీ ఆధ్వర్యంలో తెలంగాణ రాష్ట్రంలోని ఉమ్మడి కరీంనగర్​, నిజామాబాద్​, ఆదిలాబాద్​, వరంగల్​ జిల్లాల నుంచి భక్తులు తరలివచ్చారు. అంతేకాదు పక్కనే ఉన్న మహారాష్ట్రలోని వివిధ ప్రాంతాల నుంచి భక్తులు వచ్చి... భక్తి శ్రద్ధలతో స్వామివారికి మొక్కులు చెల్లించుకున్నారు.

ఆలయ ప్రాంగణంలోకి భక్తులంతా... బోనాలు ఎత్తుకుని రాగా ఆ ప్రాంతమంతా కిక్కిరిసిపోయింది. ఎలాంటి అవాంఛనీయ ఘటనలు జరగకుండా పోలీసులు కట్టుదిట్టమైన ఏర్పాట్లు చేశారు. భారీగా భక్తులు పాల్గొని స్వామివారికి మొక్కులు చెల్లించుకున్నారు. కోరుట్ల ఎమ్మెల్యే కల్వకుంట్ల విద్యాసాగర్​రావు పాల్గొని స్వామివారికి మొక్కులు చెల్లించుకున్నారు.

ఇవీ చూడండి: నెలరోజులుగా ముప్పుతిప్పలు పెడుతోన్న చిరుత